Critone Bakul Web

Lagu Jogja Istimewa soko Jogja Hiphop Foundation

admin — Sun, 04 Dec 2011 14:53:02 +0000

Ing tahun iki, lagu Jogja Istimewa lagi populer ing Indonesia. Bocah bocah ing arane Jogja Hiphop Foundation (JHF) iso ngrubah boso Jowo sing rodo redup dadi beken digabungke ing lagu hiphop.

Critone, diwiwiti soko acara-acara cilik koyoto Hip Hop Reunion lan Angkringan Hip Hop, bocah-bocah JHF iso ngenalke lagu-lagu cipta’ane dewe. Musik sing digowo rodo unik, nyampurke boso Jowo karo musik Hip Hop sing kondang ing Amerika kono.

JHF iki anggotane Marzuki Mohammad, Anto Gantas, Lukman, Balands. Iki video sing lagi populer, Jogja Istimewa.

Ciri-Ciri Arek Suroboyo

admin — Fri, 29 Jul 2011 06:46:34 +0000

#ArekSuroboyo lek tukaran mesti ngomong “awas kon yo, delok’en molehmu” <– lapo? Ditraktir mangan ta?

#ArekSuroboyo Lek ngilokno uwong “wuih, wenak kon suarane arek iki, kok gak mbecak!”

#ArekSuroboyo sing lanang, lek ngamuk langsung ngomong –> “njaluk tak pancal’a ndasmu” Sepeda bek’e -_-

#ArekSuroboyo Lek onok wedok’an ayu, endel, langsung dikomen “mboook, mentolo tak gowo moleh ae” -_-’

#ArekSuroboyo lek nyebut uaakeh –> “sak taek ndayak” koyok ngerti2o ae -_-

#ArekSuroboyo lek di sindir karo koncone, langsung ngomong “sakjane, kon iku ngenyek, ta ngetrek-etrek?!?”

#ArekSuroboyo lek ngomong, ngarepe biasane ditambahi huruf U.. –> uaaakeh, ueeendel, ueeenak, uaaasssuu kok -_-

#ArekSuroboyo Lek janjian ~ “wis teko ndi kon?” “wes nang dalan iki, diluk maneh” padahal sik nang oma.

#ArekSuroboyo lek mari di ilokno, langsung mbales “ndasmu, ndogmu, bapakmu, pokoke sing onok mu-mu ne.

#ArekSuroboyo Lek suwi gak ketemu konco, langsung ngomong “wah, si urip ta kon? Tak pikir wis 7 dinone”

#ArekSuroboyo Lek irunge gatel trus kudu wahing, munine —> Ha..ha..ha..hancookkk!!

#ArekSuroboyo Lek onok wong pamer “eh aku tuku mobil anyar iki” langsung dijawab “SOPO??.. SING TAKOK!”

#ArekSuroboyo senengane muring2 nggawe awalan ‘jam’.. >> Jamput, jambul, jambret, jambu, dst

#ArekSuroboyo Lek ndelok wedok ayu, langsung ngomong: “cuk, ayune, bpk’e sunat nangdi iku”

#ArekSuroboyo Lek onok wedok’an ayu langsung komentar “ojok mbuk gudo lho jon, wes tak kapling iku” -_-’

#ArekSuroboyo Lek onok koncone ngomong gak jelas, langsung disauti “kon iku ngomong ta kemu?!?”

#ArekSuroboyo Lek ngomong, mesti dike’i akhiran A –> ndasmuA, matamuA, makmuA, mbokmuA..

#ArekSuroboyo Lek krungu koncone ngomong banter, langsung disauti “wuss sante ae jon, gak usa mbleyer..”

#ArekSuroboyo lek nyeluk koncone: jon, es, kang, boi. “Whoi jon, yo opo kabarmu” “boi, budal gowes yok”

#ArekSuroboyo Lek dicokot nyamuk “cuk, asu kok nyamuk iki!!”

Sumber: Soko konco ing BBM.

Belajar nguyuh

admin — Mon, 06 Jun 2011 19:17:38 +0000

Cilikane Mat Pithi, wis ketok nek calon arek mbeling. Kira-kira umur 5, durung sunat. Nek nguyuh, wong pancen ‘kupluk’-e manuk-e jik durung disunat, iyo ae nek nguyuh mesti pating plencar gak karu-karuwan. Kathik nek nguyuh sak enggon-enggon, dadi yo nggarahi pesing kabeh.
Man Dul, bapak-e Mat Pithi, yo rodok mangkel ndelok ndik endi-endi uyuhe Mat Pithi pating ciprat gak karu-karuwan. Tembok-tembok pesing kabeh, tah, wis.
Sore-sore, man Dul nyeluk Mat Pithi, diajari nguyuh sing tepak, cek gak njibrat kono-kene.
“Cung, koen nek nguyuh ojok terus mak cur ngono ae. Delok-en iku tembok-e kecipratan kabeh mbarek uyuhmu. Lak pesing kabeh, tah, nek ngono iku”
“Tak warahi nek nguyuh sing tepak, yo. Rungokno urut-urutane.
1. Kathok diplorotno.
2. Kulit sing ndik pucuk-e pelimu iku pliwek-en
3. Nguyuh
4. Ojok lali diwisuhi
5. Kulit sing mliwek mau dikulupno maneh
6. Kathok-e digawe.
Yo. Ojok lali lho mbarek urut-urutane mau. Cobak, nek nguyuh urut-urutane mau diunekno sing banter. Mbengok, cek bapak eruh nek wis bener caramu nguyuh”
Mulai dina iku Mat Pithi cilik nek nguyuh wis bener. saben nguyuh bengok-bengok nyebutno nomor urut ‘prosedur’ sing diwuruk-i bapak-ne mau. “1. 2. 3. 4. 5, 6?, ngono terus ben dina.
Sak wijining dina, man Dul kaget krungu Mat Pithi nguyuh, ambek mbengok ngene “1, 2, 3, 4, 4, 5, 2, 5, 2, 5, 2, 5, 2, 5, 2, 5, 2, 5……… 2, 5, 2, 5, 2, 5…!”
“Le… ola opo ae koen iku kok cumak 2-5, 2-5, 2-5 terus ?”

Gigih

Sakera dodol endhog ndik setasiun

admin — Wed, 23 Feb 2011 10:02:20 +0000

‘Endhog…endhog… endhog asin…’

‘Asin temen tah endhog peno, cak?’

‘bo….., jok kuatir, dik. Sumpah, asin temen endhog-e awake aku iki.
Sumpah matek, ya-i-ya…’

Tuku sepuluh, diicipi.

‘Asem!, endhog gak asin ngene jarene asin’

‘Cak…cak. Endi sing jare peno asin iki. Endhog gak asin babar blas
ngene kok’

‘Bo…. sampiyan salah, dik’

‘Kok iso aku sing salah’

‘Lha iyo, sampiyan iku salah. Wong sepur durung budhal endok diicipi’

???

Gigih

Mbah Lanang kepengin rabi maneh

admin — Wed, 15 Dec 2010 15:14:38 +0000

Mbah lanang sak iki jik lara. Eling-eling pas mbah wedok mati mbiyen.

Sak keluarga, mbah lanang, paklik, bulik, ponakan, kabeh nunggoni ndik kamar, sak ubenge jenazahe mbah wedok. kabeh sedih, membik-membik, umik-umik, mbuh ndonga tah misuh-misuh (mha, mbah, mati ae kok durung ninggali wasiat, se…)

Suwe wong-wong mau padha sedih-sedihan, embuh temenan tak githokan.

Gak untara suwe mbah lanang kanda karo anak lan putune, ngongkon supaya metu saka kamar. Mbah lanang kate ijenan, berdua karo mbah wedok sing wis jenat.

Kabeh memahami, nek mbah lanang pengin duwe suasana sing khusus karo mbah wedok sing sembujur nang karpet ndik kamar mau. Kabeh padha metu. Lawang ditutup.

Mat Pithi, ancen arek ndlodog, incang-inceng saka korden jendela sing rodok mbukak thithik. Opo sing ditindakno mbarek mbah lanang ?

Si embah lanang pencolotan ndik ndukure jenazahe mbah wedok. Mlumpat-mlumpat ping bolak balik. Lho, ola opo ?

Mat Pithi eling, mbah wedok tau sumbar nang mbah lanang, sing tau duwe ide kate rabi maneh. Sumbare mbah wedok mau : “Peno oleh rabi maneh. Tapi langkahono mayitku disik !”

Gigih

Murid TK (kok ngemut lampu teplok)

admin — Fri, 10 Dec 2010 17:11:31 +0000

Isuk kuwi Bu Marti guru TK ning Ngaglik, Sleman, Yogyakarta lagi ngajar ning kelase.

Bu Marti takon : bocah-bocah…..sopo sing ngerti barang-barang sing iso dinggo nuliiiiiiiiiis ….??

Murid-murid podo rebutan nyahut : aaaakkuuuuuu . . . . aakkkuuuuu . . . . . aakkuuuu . . . .

Coba…Budi…opo ?
Budi njawab : Pulpeeeeeeen…
Pinteeeeeeeeeeeeeeer..jare bu Marti.

Ne’ kowe Ali, opooo?
Spidooooooooooool, jawabe Ali.
Pinteeeeeeeeeeeeer . . . . . .

Lha ne’ kowe Siti, opo ?
Kapurrrrr……
Yoo…pinter kabeh.

Saiki coba jawab ….., barang opo sing iso di-emuuuuuuuuutt…?
Ali : Permen…..
Budi : Coklat………..
Siti : Teploooooook!”
Bu Marti : lho…kok teplok, mosok teplok iso di-emut Siti ?

Tenan iso bu….mau mbengi aku krungu si mak ngomong karo bapak ngene,….mas-mas…ndang cepet teplok-e ndang dipateni….gek ndang tak emut-e….kene….!

[Cosmas]

Nabrak wong tuwek ae gak iso, dul !

admin — Fri, 10 Dec 2010 17:09:53 +0000

Ono’ arek enom kemlinthi banget… senengane lek numpak montor mesthi ngebut… opo maneh saiki montore ganti RX-King sik anyar kinyis-kinyis… Leh numpak koyo cak Doohan… wis ta lah… pokoke gaya temen… kemethak ngono kae lah…

Critane pas bengi-2… lagi enak-2e ngebut (lha iyo… opo se enake ngebut…) ngerti-2 ono wong wedok tuwek nyebrang dalan… langsung ae arek iku mau ngerem ndadak… ciii..ittt… ittt… (ojo’ ditambahi ‘il’ yo..)

Untung montore sik anyar… rem-e sik manjur… cobak lek gak ngono yo wis nabrak wong wedok tuwek iku mau… bareng wis mandhek, arek iku trus marani wong wedok mau ambek rodo nesu… “Yo’ opo se mbah… sampeyan iku gak tau mangan sekolahan tah… nyabrang gak ndelok kiwo-tengen dhisik… langsung nylonong ae… pengin modar tah yo’ opo sampeyan iku… ancene goblok kok diterus-terusno…”

Ngerti arek iku ngamuk… simbah wedok gak gelem kalah… genti ngamuk nang arek iku…

“Koen iku sing goblok… nabrak wong tuwek ae gak iso’….!!!!”

dUl kEmprOh

Wong Koplak Belajar Facebookan

admin — Mon, 22 Nov 2010 16:11:18 +0000

Ono wong lanang pengen belajar Facebookan, trus dekne ora ngerti arep ngopo. Mangkane dekne SMS koncone wedok arep takok ben ngajari Facebook. Isi SMS kurang luwihe koyo ngene :

mr X: Mey, warahi aq gae facebook yoo
maya: Oke, u wes nang ngarep komp?

mr X: wes, aq yo wes ndue email
maya: sippp, buka en, browser firefox, nek ga ngono internet explorer…

mr X: browser ki opo?
maya: klik menu start trus golekono tulisane Internet explorer

mr X: trus pye?
maya: ketik di kotak paling atas, “www.facebook.com” trus enter

mr X: oke, trus???
maya: nek wes metu gambare, isinen form pendaftaran sesuai yg ada

mr X: ngendi ne seng di isi, kok ga ono opo2…
maya: mosok, nang layar ono tulisan opo?

mr X: mung tulisan tok, nduwor dewe ono tulisan “The page cannot be displayed”
maya: wah, kliru paling lek mu nulis nduwure

mr X: wes bener kok, www.facebook.com
maya: ehm, mungkin koneksi internetmu mati..

mr X: opo butuh internet, ndek omah ga ono internete..
maya: woooo kampr**tt…..drijiku sampe kriting… tibake ra ono koneksi..

mr X: ooo, yo wes, kapan2 ae lek aq nang warnet tak sms neh… suwon yoo…
maya: podo2, emailmu opo?

mr X: www.cahganteng2000@yahoo.com, digaweke kancaku, tapi rung tau tak bukak
maya: waduh.. email kok ono www ne ki piye…

mr X: www ki opo?
maya: Wassalamualaikum Warahmatullah Wabarakatuh….

Wetengku ngelu…. =))

Campursari Resepsi, Lirik lan Video Mp3

admin — Sun, 21 Nov 2010 03:04:47 +0000

Dino minggu, bar ngumbahi kathok bagian jeroan, ndadak pengen nyantai. Langsung wae muter lagu-lagu campursari. Tak rungok’ke sajane campursari kang aran Resepsi kok yo kepenak. Golek ing youtube.com ndadak nemu vidione. Yo wis, kuwi ngono karaoke, dadi ono teks lagune. Tak tulis wae, sopo ngerti ono konco-konco ing kene pengen nyanyi sisan.

Iki lirik campursari Resepsi. Sing nyanyi kuwi Waljinah, ananging nemu vidione si mbak Nurhana. Yo wes, ra popo lah.

Yen pinuju angrawuhi malam resepsi
Kakung piutri ngagem
busono kang edi peni

Para putri sami lenggah
Jejer katon rapi

Yen sinawang nganti
Koyo kontes widodari

Poro priyo lenggahe
Rodho adoh sawetoro

Uthak uthik lirak lirik
Ngguya ngguyu
Mesam mesem
Sajak arep mundut lagu

Sinten niku lenggah pojok
Ndelik ono mburi
Menga-mengo sajake
Kok ono sing diwedeni

—

Poro priyo lenggahe
Rodho adoh sawetoro

Uthak uthik lirak lirik
Mesam mesem
Ngguya ngguyu
Sajak arep mundut lagu

Sinten niku lenggah pojok
Ndelik ono mburi
Menga-mengo sajake
Kok ono sing diwedeni

Video Resepsi

Yen pengen download MP3 resepsi, klik ing kene.

Wawancara penggawean koplak

admin — Mon, 01 Nov 2010 12:57:05 +0000

Manajer SDM (M) wawancara Calon Karyawan (C):
M : Kowe nduwe motor opo ora….?
C : Mboten.
M : Ora ketompo
C : Lho kok mboten ketompo ?
M : Mengko kowe mesthi njaluk bantuan kredit.
C : Sak janipun gadhah, ning tasih wonten kampung, gampil mangke kulo beto mriki.
M : Wah malah ra ketompo….
C : lho kok ngoten
M : Tempat parkiré wis sesak.

M : Kowé wis lulus sarjana tenan…..?
C : sampun pak….
M : Ora ketompo, kéné iki golék sing SMA waé, luwih manutan lan bén mbayaré murah
C : Sak janipun kulo tasih badhe skripsi
M : Malah ora ketompo…..
C : Lho kados pundi to….?
M : Mengko kowé kerjo mung ngetik skripsi, yén wis lulus mesti golék kerjo ning perusahaan liyo..

M : Anakmu akèh opo sithik ?
C : Kathah pak
M : Kowé ora ketompo
C : Sebabipun ?
M : Nyambut gawemu ora jenjem, mung mikir gawé uanaaaaaak terus
C : Lha wong namung anak adopsi, kok.
M : Tambah ora ketompo
C. : Lho, lha kok … ?
M : Gawé anak waé aras2en, opo manèh nyambut gawé

M : Kowé wis ngerti gawéyanmu durung ?
C : Dèrèng
M : Kowé ora ketompo
C : Sebabipun ?
M : Arep nyambut gawé kok ora ngerti gaweyané ?
C : Oo, nèk damelan niku sampun ngertos kok
M : Tambah ora ketompo
C : Lho, lha kok … ?
M : Kowé rak mung arep keminter, to ?

M : Kowé biso main Internét ?
C : mBoten
M : Kowé ora ketompo
C : Sebabipun ?
M : Perusahaan ora nompo BI (Buta Internet)
C : Wah, sakjanipun nggih saged
M : Tambah ora ketompo
C : Lho, lha kok … ?
M : Mesthi ora bakal nyambut gawé, kakèhan dolanan Internet, Ngenték-entekké pulsa !

M : Kowe waras opo ora?
C : Lha, kulo nggih waras to Pak.
M : Ra ketompo…….
C : Kenging nopo …..?
M : Mengko kowe mesthi ora krasan ning kéné.
C : Niku rumiyin Pak, sakmeniko sampun rodo edan.
M : Malah ra ketompo……
C : Pripun to niki….?
M : Mengko aku duwe saingan……